Water level ng Angat dam nadagdagan sa nakalipas na magdamag

Nadagdagan ng bahagya sa nakalipas na magdamag ang antas ng tubig sa Angat dam.

Ayon sa PAGASA Hydrology, alas 6:00 ng umaga ng ng Lunes, November 11 ay nasa 188.57 meters ang antas ng tubig sa dam.

Mas mataas ito kumpara sa 188.54 meters na water level nito kahapon ng umaga.

Ang water level naman ng Ipo dam ay bahagyang nabawasan na ngayon ay nasa 100/85 meters.

Nadagdagan din ang antas ng tubig sa La Mesa dam at ngayon ay nasa 77.50 meters.

Ang water level ng iba pang dams sa Luzon ay pawang nadagdagan din.