9 na crew ng dalawang fishing boat pinaghahanap sa Occidental Mindoro

Pinaghahanap ngayon ang siyam na crew na dalawang fishing boat makaraang hindi makadaong mula noong Sabado (Nov. 9).

Hinampas ng malalakas na alon sa bahagi ng Mindoro Strait ang dalawang fishing boats makaraang pumalaot noong Nov, 4 at Nov. 5.

Araw ng Sabado dapat ay nakabalik na sa Mamburao ang mga bangka pero bigo silang makadaong.

Simula din Sabado ay tinatawagan na ang mga mangingisda ng kanilang pamilya pero hindi sila ma-contact.

Naitawag na sa Philippine Coast Guard (PCG) ang insidente upang makapagsagawa ng search and rescue operations.