Isang drug den sa Cebu City, sinalakay ng PDEA; 5 timbog

Arestado ang limang katao sa pagsalakay ng Philippine Drug Enforcement Agency (PDEA) sa isang drug den sa Cebu City, Sabado ng gabi.

Ayon sa PDEA Regional Office 7-Central Visayas, isinagawa ang buy-bust operation sa loob ng Cebu Chinese Cemetery sa Barangay Carreta bandang 6:45 ng gabi.

Nagresulta ang operasyon sa pagkakaaresto sa target sa operasyon na si Allan Obiña. drug den maintainer. Naaresto rin ang apat nitong kasamahan na sina Ronnel Gemida, Victoriano Caballero, Norberto Bordoneo at Benjie Gemida.

Nakumpiska sa lima ang 22 pakete ng hinihinalang shabu, P670 na cash at ilang drug paraphernalia.

Mahaharap ang mga suspek sa kasong paglabag sa Comprehensive Dangerous Drugs of Act 2002.