Ilang lugar sa Luzon, uulanin ngayong hapon
By Angellic Jordan November 10, 2019 - 03:02 PM
Asahang makararanas ng pag-ulan ang ilang lalawigan sa Luzon.
Batay sa thunderstorm advisory ng PAGASA bandang 2:40 ng hapon, iiral ang katamtaman hanggang malakas na pag-ulan na posibleng may kidlat at malakas na hangin sa Cavite, Laguna at Batangas.
Mararamdaman ang nasabing lagay ng panahon sa susunod na dalawang oras.
Apektado rin nito ang Quezon province partikular ang San Narciso.
Pinayuhan ang mga residente sa nasabing lugar na maging maingat sa posibleng pagbaha o pagguho ng lupa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.