VP Rodredo sasama sa anti-illegal drug operations

By Rhommel Balasbas November 09, 2019 - 02:10 AM SHARE(S):

Tinanggap ni Vice President Leni Robredo ang alok ni Philippine Drug Enforcement Agency (PDEA) chief Aaron Aquino na sumama siya sa anti-illegal drug operations.

Ang mungkahi ni Aquino ay ginawa sa pulong ng Inter-agency Council on Anti-Illegal Drugs (ICAD) nitong Biyernes.

Ayon kay Aquino, naging maayos ang pulong ng ICAD at umaasa siyang mas marami pang matututunan ang bise presidente sa law enforcement.

Upang mangyari ito, hinimok ng PDEA chief si Robredo na sumama sa isa sa mga operasyon kontra iligal na droga.

Magbibigay daan umano ito para makita ng bise presidente ang katotohanan sa drug war at hindi lamang bumabatay sa mga testimonya.

Bukod dito ay matutukoy din ng bise kung may depekto o problema ang kasalukuyang polisiya.

“Para ma-feel po ninyo kung paano po ang ginagawa ng ating law enforcement agents. Challenge ko po sa inyo, para kung meron kaming lapses, defects, makikita niyo,” ani Aquino.

Ayon sa bise presidente, gustong-gusto niyang sumama sa operasyon.

Sinabi ng bise presidente na malinaw ang kanyang pagkakasabi na ayaw niyang nabibiktima ang mahihirap sa drug war.

“We want to improve the policy, and I was clear that I don’t like that the anti-drug campaign is victimizing the poor,” ani Aquino.

 

TAGS: anti-illegal drugs operations, hamon, ICAD, kumasa, PDEA Chief Aaron Aquino, sasama, Vice President Leni Robredo, anti-illegal drugs operations, hamon, ICAD, kumasa, PDEA Chief Aaron Aquino, sasama, Vice President Leni Robredo

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.