NUJP pinapurihan ang mabilis na aksyon sasa kaso ng pagpatay sa broadcaster na si Dindo Generoso

Pinapurihan ng National Union of Journalist of the Philippines (NUJP) ang pulisya sa mabilis na pag-aksyon sa kaso ng pagpatay sa broadcaster sa Dumaguete City na si Dindo Generoso.

Ito ay matapos na maaresto ang dalawa sa tatlong mga suspek kabilang na ang isang retiradong pulis.

Habang ang isa pa sa mga suspek na nagsilbing gunman ay tukoy na rin at pinaghahanap na ng mga pulis.

Kasabay nito hinimok ng NUJP ang Philippine National Police (PNP) na madaliin ang pagresolba sa iba pang kaso ng pagmatay sa mga miyembro ng media.