Gunman sa kaso ng pagpatay sa radio broadcaster sa Dumaguete City tukoy na ng pulisya

Nakilala na ng mga otoridad ang gunman sa kaso ng pagpatay sa radio broadcaster sa Dumaguete City.

Ayon kay Brig. Gen. Valeriano De Leon, Central Visayas police chief, hawak na nila ang pangalan ng suspek at patuloy na ang hot pursuit operation dito.

Una nang naaresto ang dalawang suspek na sina
Teddy Reyes Salaw at Glenn Corsame na isang retiradong pulis ilang oras matapos tambangan si Dindo Genereso.

Si Corsame ang nagmaneho ng motorsiklo na ginamit sa pananambang habang si Salaw naman ang nagmaneho ng Mitsubishi Strada pick-up at umaktong “spotter.”

Sakay si Generoso ng kaniyang Hyundai Elantra papasok sa trabaho nang siya ay tambangan Huwebes (Nov. 7) ng umaga.