Japan PM Shinzo Abe tinawag na “Idiot and Villain” ng North Korea

By Dona Dominguez-Cargullo, Jimmy Tamayo November 08, 2019 - 07:41 AM SHARE(S):

Tinawag na “idiot and villain” ng isang artikulo sa North Korea si Japanese Prime Minister Shinzo Abe.

Reaksyon ito sa pagnanais umano ni Abe na magtungo sa Pyongyang para makipagpulong kay North Korean leader Kim Jong Un.

Nais rin umanong resolbahin ni Abe ang isyu ng pagdukot sa ilang Japanese nationals.

Sa komentaryo ng KCNA state news agency, tinawag nilang “idiot and villain” si Abe at ginagawa anilang malaking isyu ang ginagawang test-fire ng mga rocket launchers ng kanilang bansa.

Babala pa sa artikulo na hindi na dapat tangkain ng Japanese PM na tumuntong sa Pyongyang dahil sa pambabatikos nito sa Democratic People’s Republic of Korea, ang opisyal na pangalan ng North Korea.

Sa isang ulat ng Kyodo news agency, naghayag umano si Abe sa pagnanais niyang makausap si Kim Jong Un ng walang kundisyon at resolbahin ang pagdukot sa ilang Japanese nationals.

Binatikos din nito ang missile testing na ginagawa ng North Korea.

TAGS: Japan, Kim Jong un, north korea, PH news, Philippine breaking news, shinzo abe, Tagalog breaking news, tagalog news website, Japan, Kim Jong un, north korea, PH news, Philippine breaking news, shinzo abe, Tagalog breaking news, tagalog news website

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.