Bagyong Quiel lumakas pa, isa nang severe tropical storm ayon sa PAGASA
Lalo pang lumakas ang bagyong Quiel at ngayon ay nasa severe tropical storm category na.
Sa 11am weather bulletin ng PAGASA ang bagyo ay huling namataan sa layong 360 km West Northwest ng Coron, Palawan.
Taglay na nito ang lakas ng hangin na aabot sa 95 kilometers bawat oras at pagbugsong aabot sa 115 kilometers bawat oras.
Nananatiling mabagal ang kilos ng bagyo.
Ngayong araw hanggang bukas ng umaga ay makararanas ng mahina hanggang katamtaman at kung minsan ay malakas na buhos ng ulan ang Cagayan kabilang ang Babuyan Islands at Apayao.
Light to moderate na pag-ulan ang mararanasan sa Kalinga, Apayao, Ilocos Norte, Zambales, Bataan, Palawan, Mindoro Provinces, Antique, Iloilo at Guimaras.
Ayon sa PAGASA, lalakas pa at magiging isang typhoon ang bagyo sa susunod na 48 oras.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.