Patay ang siyam katao sa salpukan ng pampasaherong bus at isang UV express sa Pamplona, Camarines Sur, Miyerkules ng gabi.
Ayon sa pulisya, ang mga nasawi ay ang driver ng van at ang walo nitong pasahero.
Sa lakas ng banggaan, wasak at natanggal ang bubong ng van.
Samantala, sugatan ang apat na sakay ng bus na ngayon ay giangamot sa ospital.
Batay sa inisyal na imbestigasyon, patungong Naga City ang van habang papuntang Maynila ang bus nang magsalpukan ang mga ito sa Maharlika Highway.
Patuloy pa ring inaalam ang sanhi ng insidente.
MOST READ
LATEST STORIES