Ang miyembro ng Korean girl group na Blackpink na si Lisa Manoban ang bagong mukha ng local clothing brand na Penshoppe.
Una nang umugong ang balita na si Manoban ang susunod na celebrity endorser ng nasabing brand makaraang maglabas ang Penshoppe ng teaser sa kanilang social media account.
Sa kanilang Instagram, kinumpirma ng retail giant ang balita kasabay nito ang pag-post ng isang video greeting mula kay Manoban.
Ibinahagi rin ni Manoban sa kanyang IG account na @lalalalisa_m ang ilang larawan at nilagyan niya ng caption na “Let’s Rock.”
Ang Penshoppe ay kilala sa paggamit ng ilang mga international celebrities bilang endorsers gaya nina Zac Efron, Leighton Meester at Sandara Park.
MOST READ
LATEST STORIES