Dalawang pinaniniwalaang taga-suporta ng ISIS ang napatay sa barilan sa bayan ng Buadiposo-Bundong sa lalawigan ng Lanao del Sur.
Kinilala ni Col. Roseller Murillo, Commander ng 103rd Infantry Brigade ng Philippine Army na nakabase sa Marawi City ang mga napatay na sina Alexander sultan at Aiman Sultan.
Sa paunang imbestigasyon ng mga otoridad, namataan umano ng ilang mga residente sa lugar ang grupo ng mga armadong suspect kaya’t kaagad nila itong isinumbong sa Barangay official na si Panundan Sultan.
Kaagad na rumesponde ang grupo ng naturang opisyal ng Baranggay na nauwi sa ilang minutong barilan kung saan napatay ang dalawang suspects.
Bukod sa mga armas, nabawi rin sa mga napatay ang ilang bandila ng ISIS.
Kaugnay nito, nagsasagawa ngayon ng pursuit operations ang mga tauhan ng Militar sa bayan ng Buadiposo-Buntong para tugisin ang ilan pang mga pinaniniwalaang ISIS supporters sa lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.