M3.5 at 3.6 na aftershocks naitala sa Cotabato
Dalawang magkahiwalay na aftershock ang naitala sa lalawigan ng Cotabato Miyerkules ng madaling-araw.
Ayon sa Phivolcs, alas-3:49 kanina nang tumama ang magnitude 3.5 na lindol sa layong 18 kilometro Timog-Silangan ng Tulunan.
May lalim ang pagyanig na 21 kilometro.
Ilang minuto lang ang lumipas o alas-3:58, tumama naman ang magnitude 3.6 na pagyanig sa layong 11 kilometro Timog-Kanluran ng Makilala.
May lalim naman itong 25 kilometro.
Tectonic ang pinagmulan ng mga pagyanig na hindi naman inaasahang nagdulot ng pinsala sa ari-arian.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.