Yellow rainfall warning nakataas sa Zambales at Bataan

By Rhommel Balasbas November 05, 2019 - 11:26 PM

Nakataas ang heavy rainfall warning sa Zambales at Bataan dahil sa patuloy na nararanasang mga pag-ulan bunsod ng Tropical Storm Quiel.

Sa abiso ng PAGASA alas-11 Martes ng gabi, yellow warning ang umiiral sa dalawang lalawigan.

Pinag-iingat ang mga residente sa posibilidad ng mga pagbaha sa mga flood-prone areas.

Samantala, nakararanas na ng katamtaman hanggang paminsan-minsan ay malalakas na pag-ulan ang mga bayan ng San Clemente, Camiling, Mayantoc at San Jose sa Tarlac.

Posibleng tumagal ng dalawa hanggang tatlong oras ang pag-ulan sa naturang mga lugar.

Pinapayuhan ang publiko at Disaster Risk Reduction and Management Offices na bantayan ang lagay ng panahon at abangan ang susunod na advisory na ilalabas alas-2:00 ng madaling-araw ng Huwebes.

 

TAGS: heavy rainfall warning, pag-ulan, pagasa, pagbaha, Tropical Storm Quiel, yellow rainfall warning, heavy rainfall warning, pag-ulan, pagasa, pagbaha, Tropical Storm Quiel, yellow rainfall warning

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.