Biyahe ng LRT line 1 nagka-aberya
Nagka-aberya ang biyahe ng line 1 ng Light Rail Transit (LRT).
Sa abiso ng LRT-1 sa kanilang official Twitter account, alas 11:17 ng umaga ng Martes, Nov. 5 inihinto muna ang biyahe ng mga tren mula Baclaran to Roosevelt.
Ayon sa abiso, inaayos na ng kanilang technician ang nasirang tren sa bahagi ng Libertad – Southbound.
Alas 11:34 ng umaga sinabi ng LRT-1 na operational na ang kanilang southbound trains at balik normal na ang kanilang biyahe.
Pero pinayuhan pa din ang mga pasahero na maglaan ng karagdagang oras sa pagbiyahe dahil naipon ang mga pasahero sa mga istasyon bunsod ng ilang minutong tigil-operasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.