Karinderya nasunog sa Mandaue City
Tinupok ng apoy ang isang karinderya at nadamay ang dalawa pang katabing establisyimento sa sunog na naganap sa Barangay Tabok sa Mandaue City Martes, November 5 ng umaga.
Ayon kay Senior Fire Officer 1 Noel Codilla, fire investigator ng Mandaue City Fire Department, nag-umpisa ang sunog sa kusina ng kainan na pag-aari ng isang Baby Pintor.
Nagkaroon umano ng leak sa ginagamit na liquefied petroleum gas (LPG) tank dahilan para sumiklab ang apoy.
Ani Codilla, nang buksan ng cook ng karinderya ang kalan ay agad lumaki ang apoy.
Nagsimula ang sunog alas 6:18 ng umaga na agad ding naapula alas 6:40 ng umaga.
Wala namang nasaktan sa insidente pero napinsala din ang kisame ng kalapit na salon at photo studio.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.