Binabantayang LPA, posibleng maging bagyo sa susunod na 24 hanggang 36 oras – PAGASA

By Angellic Jordan November 04, 2019 - 07:01 PM

Photo grab from DOST PAGASA’s website

Patuloy na tinututukan ng PAGASA ang namataang low pressure area (LPA) sa bahagi ng West Philippine Sea.

Ayon kay PAGASA weather specialist Benison Estareja, huling namataan ang LPA sa 700 kilometers West ng Oriental Mindoro bandang 3:00 ng hapon.

Mataas aniya ang tsansa na maging tropical depression ang LPA sa susunod na 24 hanggang 36 oras.

Sa susunod na dalawa hanggang tatlong araw, sinabi ni Estareja na mananatili ang sama ng panahon sa boundary ng Philippine Area of Responsibility (PAR).

Oras na pumasok ito sa loob ng PAR, tatawagan itong Kiel kung magiging bagyo.

Nakakaapekto naman ang trough o dulo ng LPA sa bahagi ng Ilocos Region, Zambales, Bataan, Occidental Mindoro at Palawan.

Bukod dito, mayroong isa pang binabantayang bagyo ang PAGASA sa labas ng bansa.

Aniya, isa itong severe tropical storm na may international name na “Halong.”

Huli itong namataan sa layong 3,400 kilometers East ng Northern Luzon.

Hindi naman aniya ito inaasahang papasok sa loob ng bansa.

TAGS: low pressure area, pagasa, Philippine Area of Responsibility, low pressure area, pagasa, Philippine Area of Responsibility

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.