Ilang lugar sa Luzon, makararanas ng pag-ulan
Asahang makararanas ng pag-ulan ang ilang lalawigan sa Luzon.
Sa thunderstorm advisory ng PAGASA bandang 3:27 ng hapon, iiral ang moderate to heavy rainshowers na may kasamang kidlat at malakas na hangin sa Pampanga, Batangas at Bulacan.
Mararamdaman ang pag-ulan sa susunod na dalawang oras.
Samantala, heavy to intense rainshowers na may kasamang kidlat at malakas na hangin naman ang mararanasan sa Ramos at Pura sa Tarlac; Mabitac, Santa Maria sa Laguna; Pililla sa Rizal; at Bataan.
Apektado rin ang Nueva Ecija partikular sa Guimba, Nampicuan, Cuyapo, Llanera, Munoz at San Leonardo; Zambales sa Olongapo, Subic, Castillejos, San Marcelino, San Narciso, San Felipe, Cabangan, Botolan, Palauig at Iba; Quezon sa Lucban, Sampaloc, Atimonan at Mauban.
Payo ng weather bureau, maging maingat sa posibleng pagbaha o pagguho ng lupa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.