Robredo pinatitigil sa solicitation para sa mga nilindol sa Mindanao

By Noel Talacay November 04, 2019 - 03:58 PM

Nagpahayag ang Presidential Anti Corruption Commission o PACC na hindi dapat nangangalap ng donasyon para sa mga biktima ng lindol sa Mindanao ang office of the Vice President (OVP).

Ayon kay PACC spokesman and Commissioner Manuelito Luna, magdudulot ito ng usaping legal at etikal sa panig ng Bise Presidente.

Magreresulta rin ito anya ng duplikasyon ng trabaho o functions sa hanay ng mga ahensiya ng pamahalaan gaya ng DSWD LGUs at Philippine Red Cross na nagnagbibigay na ng relief operations sa mga lalawigang sinalanta ng pagyanig sa Mindanao.

Sinabi pa ni Luna, mayroon nang nakalaang pondo ang pamahalaan para sa mga biktima ng kalamidad kaya hindi kailangan na mag-solicit pa ng donasyon ang Office of the Vice President (OVP).

Kaya pakiusap niya kay Vice President Leni Robredo na itigil ang paghingi ng mga donasyon para sa Mindanao.

Kung sakaling aniyang ipilit ng bise presidente ang pangunguha ng donasyon, ihihiling niya sa Commission on Audit (COA) at sa Ombudsman na imbestigahan ang OVP.

TAGS: Luna, Mindanao, pacc, Robredo, Luna, Mindanao, pacc, Robredo

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Subscribe to our daily newsletter

By providing an email address. I agree to the Terms of Use and
acknowledge that I have read the Privacy Policy.