MRT-3 may alok na libreng sakay sa mga menor de edad sa Nov. 6

May alok na libreng sakay ang MRT-3 sa mga menor de edad o mga batang edad 18 pababa sa November 6, araw ng Miyerkules.

Ang libreng sakay ay bilang pakikiisa ng ahensya sa pagdiriwang ng 27th National Children’s Month.

Sa abiso ng MRT-3, maaring makasabay ng libre ang mga menor de edad mula alas 7:00 hanggang alas 9:00 ng umaga, at mula alas 5:00 ng hapon hanggang alas 7:00 ng gabi.