89 na volcanic earthquakes naitala sa Bulkang Taal

By: Dona Dominguez-Cargullo - 5 years ago

Umabot sa 89 na volcanic earthquakes ang naitala sa Bulkang Taal sa nakalipas na 24 na oras.

Ayon sa Phivolcs sa nasabing mga pagyanig, naramdaman ang Intensity I sa Alas-as, San Nicolas at Tibag, Pira-piraso, Talisay, Batangas alas 3:17 ng madaling araw ng Lunes (Nov. 4).

Habang naitala naman ang Intensity II sa Tibag, Pira-piraso, Talisay, Batangas, alas 4:07 ng umaga.

Nananatili namang nakataas ang alert level 1 sa bulkan bunsod ng patuloy na aktibidad nito.

Pinapayuhan ang publiko na ang main crater ng bulkan ay nananatiling off-limits dahil sa steam explosions na maari pa ring maganap.

Ang northern portion ng main crater sa bisinidad ng Daang Kastila Trail ay delikado din sa posibleng steam emission.