OVP nananawagan ng tulong para sa mga biktima ng lindol sa Mindanao
Umapela ng donasyon para sa mga biktima ng sunud-sunod na lindol sa Mindanao ang Office of the Vice President (OVP).
Ayon kay Vice President Leni Robredo, ang pinakakailangang relief goods ng mga residente ay:
– Ready to eat food (easy-open canned goods, instant noodles at iba pa)
– Drinking water
– Beddings
– Hygiene Kits
– Laruan ng mga bata
Maaaring dalhin ang donasyon sa 21 Kaliraya St., Brgy. Doña Josefa, Quezon City.
Hindi naman tumatanggap ang OVP ng cash donations pero sa mga nais magbigay maaari itong ipaabot sa kanilang Angat Buhay partner na ‘Kaya Natin’.
Samantala, tuloy-tuloy ang pagsasagawa ng relief operations ng OVP sa Mindanao at pinasalamatan ni Robredo ang Angat Buhay partners at ang Philippine Army.
Nakapagbigay na ang OVP ng mga relief goods, laminated trapal at hygiene kits.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.