Metro Manila at ilang lugar sa Luzon, makararanas ng pag-ulan

Asahang uulanin ang Metro Manila at ilang kalapit na lugar sa Luzon.

Batay sa thunderstorm advisory ng PAGASA bandang 11:43 ng umaga, iiral ang moderate to heavy rainshowers na may kasamang kidlat at malakas na hangin sa Metro Manila, Bulacan, Laguna, Batangas at Rizal.

Mararanasan ang nasabing kondisyon ng panahon sa susunod na dalawang oras.

Kaparehong lagay ng panahon din ang mararanasan sa Quezon province partikular sa Calauag, Lopez, San Narciso, Macalelon, Mauban, Patnanungan at Quezon.

Pinayuhan ang mga residente sa mga nabanggit na lugar na maging maingat sa posibleng pagbaha o pagguho ng lupa.