Umabot na sa 21 ang bilang ng nasawi sa dalawang magkasunod na malakas na lindol na tumama sa ilang lugar sa Mindanao.
Ayon sa National Disaster Risk Reduction and Management Council (NDRRMC), hanggang araw ng Sabado ay nasa 21 na ang kumpirmadong namatay sa magnitude 6.6 na lindol noong October 29 at magnitude 6.5 na lindol noong October 31.
Tatlo ang death toll sa Region XI habang 18 ang namatay sa Region XII.
Umakyat naman sa 331 ang bilang ng nasugatan habang nananatili sa dalawa ang nawawala.
Samantala, nakaapekto ang mga lindol sa 29,479 na pamilya o 147,395 na indibidwal sa 149 na barangay sa Regions XI at XII.
Sa naturang bilang, 4,257 na pamilya o 21,285 katao ang nasa evacuation centers.
Nasira naman ang 28, 224 na imprastraktura kabilang ang 27,350 na bahay, 757 na eskwelahan, 37 health facilities, anim na simbahan, 26 na establisyimento, 18 na kalsada at tulay at 30 iba pang public structures.
Narito ang pagka-kilanlan ng mga nasawi:
Davao del Sur:
Jessie Riel Parba
Benita B. Saban
Romulo Naraga
South Cotabato:
Nestor Narciso
Marcelo Tare
Cotabato:
Samuel Linao Andy
Renee Corpuz
Remia B. Angal
Patricio Lumayon
Pao Zailon Abdulah
Isidro Gomez
Cesar Benjie Bangot
Romel Galicia
Priscilla Varona
Juve Gabriel Jaoud
Tessie Alacayde
Melacio Laxamana
Melissa Jamero
Nimfa Sabernas
Elma Rose Casuela
Sultan Kudarat:
Lito Peles Mino
