20 bahay natupok sa sunog sa Cebu City

Naabo ang nasa 20 bahay matapos sumiklab ang sunog sa Sitio Lucimba, Brgy. Basak San Nicolas, Cebu City, Biyernes ng gabi.

Bandang alas-7:00 ng gabi nang magsimula ang apoy at itinaas sa ikalawang alarma alas-8:10.

Alas-8:33 nang idineklarang kontrolado na ang sunog.

Patuloy ang isinasagawang imbestigasyon para malaman ang sanhi ng sunog ngunit posible umanong naiwang nakasinding kandila ang dahilan nito.

Nasa P160,000 ang inisiyal na pagtaya sa pinsala sa ari-arian ng sunog.