Patuloy na makararanas ng pag-ulan ang ilang lalawigan sa Luzon.
Sa thunderstorm advisory ng PAGASA bandang 5:32 ng hapon, iiral ang katamtaman hanggang mabigat na buhos ng ulan na may kasamang kidlat at malakas na hangin sa Tarlac, Zambales at Quezon province.
Apektado ang bahagi ng Moncada, Anao at Mayantoc sa Tarlac; Subic, Olongapo, Castillejos, San Marcelino, Botolan, Candelaria at Masinloc sa Zambales at sa San Francisco, Quezon.
Ayon sa weather bureau, uulanin ang mga nabanggit na lalawigan sa susunod na dalawang oras.
Pinayuhan naman ang mga residente sa lugar na maging alerto sa posibleng pagbaha o pagguho ng lupa.
MOST READ
LATEST STORIES