Mga bumisita sa Manila North Cemetery umabot na sa kahalating milyon

Tinatayang aabot na sa kalahating milyong katao ang bumisita sa Manila North Cemetery ngayong Undas.

Sa pinakahuling tala ng Manila Police District (MPD) bandang alas dos ng hapon, nasa 500,000 na ang bilang ng mga dumalaw sa kani-kanilang yumaong mahal sa buhay.

Patuloy naman ang ipinatutupad na mahigpit na seguridad sa sementeryo para matiyak ang kaligtasan sa lugar.

Inaasahan pa ang pagdagsa ng mga tao sa sementeryo.