Halos 5,000 katao dumagsa sa mga sementeryo sa Mandaluyong

Halos 5,000 katao naman ang naitala na bumisita sa iba’t ibang sementeryo sa Mandaluyong City.

Sa update mula sa City Disaster risk Reduction and Management Office (CDRRMO) ng Mandaluyong, alas 11:30 ng umaga ng Biyernes, Nov. 1 ay umabot sa 3,500 ang bumisita sa Garden of Life Cemetery; 1,000 naman ang naitala sa San Felipe Cemetery; 250 sa Paradise Cemetery; at 20 sa Old Muncipal Cemetery.

Nakapagtala namang ang CDRRMO ng apat na medical incidents simula umaga ng Biyenes.

Isang batay ayon sa CDRRMO ang kinailangang dalhin sa ospital, pero hindi nagbigay ng detalye ang mga otoridad kung ano ang nangyari sa bata.