“Hero dog” na tumulong sa pagsalakay sa kuta ni ISIS leader Abu Bakr al-Baghdadi pararangalan sa White House
Bibigyang parangal sa White House ang tinaguriang “hero dog” na may malaking papel sa operasyon sa ISIS Compound na ikinasawi ni Abu Bakr al-Baghdadi.
Ayon kay US President Donald Trump, si Conan ay nakatakdang parangalan pagbalik nito ng Amerika mula sa kaniyang misyon sa Gitnang Silangan.
Si Conan ang humabol kay Baghdadi hanggang sa makarating ito sa dead-end ng tunnel sa kaniyang hideout sa Syria kung saan doon na napilitan ang ISIS leader na i-detonate ang suot niyang suicide vest.
Nasugatan si Conan sa mga kable ng kuryente na na-expose matapos ang pagsabog.
Sa ngayon nagpapagaling si Conan at inaasahang makaka-recover na sa susunod na linggo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.