Libu-libong sleeping kits, mga tent, ipinadala ng DSWD sa Mindanao
Libu-libong sleeping kits ang ipinadala ng Department of Social Welfare and Development (DSWD) sa Mindanao para sa mga nasalanta ng lindol.
Sakay ng military plane, dinala sa Mindanao ang mahigit 9,000 sleeping kits, 11,000 laminated sacks, 200 solar lamps, 4,800 na kitchen kits at 175 na tents.
Matapos tumama ang panibagong 6.5 magnitude na lindol sa Mindanao agad nagpadala ng quick response team ang DSWD para i-assess ang sitwasyon at alamin ang agarang pangangailangan ng mga apektadong residente.
Ayon sa DSWD Region XII, maliban sa pagkain, higit ding kailangan ng mga apektadong mamamayan ang mga tent na maari nilang pansamantalang masilungan habang hindi pa naibabalik sa normal ang sitwasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.