Patay sa dalawang lindol sa Mindanao ngayong linggo umakyat sa 14
Umabot na sa 14 ang opisyal na bilang ng nasawi sa magnitude 6.6 at 6.5 na lindol na yumanig sa Mindanao nitong Martes at kahapon, araw ng Huwebes.
Batay sa ulat ng National Disaster Risk Reduction and Management Council (NDRRMC) Huwebes ng gabi, 14 ang nasawi, 403 ang nasugatan habang dalawa pa ang pinaghahanap.
Ang mga namatay ay mula sa Northern Mindanao, Davao del Sur, Soccksargen at Bangsamoro Autonomous Region in Muslim Mindanao.
Inilabas din ang pagkakakilanlan ng mga nasawi:
Cotabato:
Samuel Linao Andy
Renee Corpuz
Marichelle Morla
Patricio Lumayon
Pao Zailon Abdulah
Isidro Gomez
Cesar Bangot
Romel Galicia
Precilla Verona
Juve Gabriel Jauod
South Cotabato:
Nestor Narciso
Davao del Sur:
Jessie Riel Parba
Benita B. Saban
Romulo Naraga
Ang mga sugatan naman ay mula sa Northern Mindanao (14), Davao del Sur (16), Soccsksargen (371) at BARMM (1).
Ang mga nawawala ay mula sa Davao del Sur na sina:
Gilbert Suprales
Miggy Attic
Umabot na sa 2,817 ang bilang ng imprastraktura na nasira ng mga pagyanig.
Magugunitang noong October 16, tumama rin ang magnitude 6.3 na lindol sa Mindanao na ikinasawi ng hindi bababa sa anim na tao.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.