DPWH nagpadala na ng assessment team sa mga lugar na naapektuhan ng panibagong lindol sa Mindanao

Nagpadala na ng team ang Department of Public Works and Highways (DPWH) sa mga lugar na naapektuhan ng panibagong malakas na lindol sa Mindanao.

Ayon sa DPWH, may ipinadala nang team para i-assess ang structural integrity at pinsala ng mga pasilidad.

Kabilang sa susuriin ang mga istraktura sa Davao, Davao Del Sur, Davao Occidental, South Cotabato, North Cotabato, Cagayan de Oro City, Agusan del Sur, Bukidnon, Saranggani, Sultan Kudarat at Zamboanga.

Pinayuhan naman ng DPWH ang mga mangangailangan ng agarang pag-iinspeksyon at rescue operations na tumawag sa kanilang hotline number na 165-02.

Bukas 24/7 ang naturang hotline para sa inspection requests at rescue operations.