Condominium sa Davao City bumagsak matapos ang M6.5 na lindol

Isang condominium building sa Davao City ang bumagsak matapos ang pagtama ng isa na namang malakas na lindol sa Mindanao.

Bumagsak ang Ecoland 4000 Condominium sa Davao City at makikita sa video na ibinahagi ng Davao City Public Information ang pagbagsak ng gusali.

Bagaman nakatayo pa ang gusali ay kita ang pagbaba nito dahil wala na itong pagitan sa ibaba at nakadikit na sa lupa.

Kita rin ang mga nagkalat na debris mula sa bumagsak na gusali.

Inaalam pa kung may tao sa loob ng condominium nang mangyari ang pagbagsak.

Samantala, sa Kidapawan City, gumuho din ang bahagi ng isang hotel doon matapos ang malakas na pagyanig.

Agad na pinayuhan ang mga tao na lumayo sa gusali dahil maari itong gumuho anumang oras.