Panelo: Pagiging drug czar pwedeng susi ni Robredo para maging pangulo
Patuloy na hinihimok ng palasyo ng malakanyang si Vice President Leni Robredo na tanggapin na ang alok ni Pangulong Rodrigo Duterte na maging drug czar ng anim na buwan.
Ayon kay Presidential Spokesman Salvador Panelo, maaari kasing maging susi ni Robredo sa pagka-pangulo ng bansa ang pagiging drug czar.
Kapag kasi aniya napatunayan ni Robredo na kaya nitong resolbahin at bigyang solusyon ang problema sa illegal na droga, maaari itong magustuhan ng taong bayan.
Kapag nagkataon, tiyak na malaki anya ang tsansa ni Robredo na maluklok na pangulo ng bansa.
Ayon pa kay Panelo, maaari kasing may epektibo o kakaibang pamamaraan si Robredo sa pagresolba sa problema kung kaya patuloy ang pagbatikos nito sa drug war campaign ni Pangulong Duterte.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.