Broadcaster sugatan sa pamamaril ng riding-in-tandem sa Tacurong City
Nasa kritikal na kundisyon ang isang radio broadcaster makaraan siyang pagbabarilin sa Tacurong City, Sultan Kudarat.
Kinilala ni Tacurong City Police Chief Rey Egos ang biktima na si Benjie Caballero, station manager ng Radyo ni Juan Tacurong.
Pasado ala-una ng tanghali kanina nang maganap ang pamamaril sa biktima habang nag-aabang ng tricycle sa Purok Sampaguita, Brgy. New Isabel, Tacurong City.
Nabatid na huminto sa kanyang harapan ang dalawang lalaking sakay ng isang motorsiklo at walang sabi-sabing pinagbabaril siya ng mga ito.
Nagtamo ng multiple gunshot wounds sa katawan ang biktima at ngayo’y ginagamot sa Saint Louis Hospital sa nasabing lungsod.
Isang team naman ang binuo ng PNP para imbestigahan ang nasabing pamamaril.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.