Naniniwala ang mga otoridad na hindi government sanctioned ang pagkakapaslang kay Clarin, Misamis Occidental Mayor David Navarro.
Ayon sa pulisya, maaring criminal syndicates ang pumatay sa alkalde.
Sinabi ni Cebu City Police Office Director Col. Gemma Vinluan, mismong si Navarro at ang kanyang mga kaanak ay may alam sa grupo na nagpapadala ng death threats na mula mismo sa Misamis Occidental.
Malakas ang paniniwala ng mga otoridad na criminal gang ang nasa likod ng pagpaslang sa alkalde.
Si Navarro ay pinagbabaril hanggang sa mapatay ng mga armadong lalaki matapos harangin ang convoy nito at bumaba sa police mobil na nag-iskort sa kanya.
Ayon kay Vinluan, kilala nila ang grupo na unang binanggit ni Navarro noong nabubuhay pa ito, subalit dahil sa kakulangan ng ebidensiya ay hindi niya muna ito binaggit sa publiko.