Robredo, pinatatahimik ng Malakanyang kung ayaw maging drug czar

Manahimik ka na lang.

Ito ang naging payo ng Palasyo ng Malakanyang kay Vice President Leni Robredo kung hindi tatanggapin ang alok ni Pangulong Rodrigo Duterte na maging drug czar sa loob ng anim na buwan.

Ayon kay Presidential Spokesman Salvador Panelo, mas maigi kung ititigil na lamang ni Robredo ang pangbabatikos kung hindi naman kakasa sa hamon na pamunuan ang law enforcement para sa anti drug war.

Ayon kay Panelo, kung magpapasya man si Robredo na tanggapin ang hamon ng pangulo, makaaasa ito ng buong suporta mula sa iba’t ibang law enforcement agencies.

Sinabi pa ni Panelo na maaari namang bumuo si Pangulong Duterte ng isang komisyon o task force para kay Robredo.