Tuguegarao City nagdeklara ng half-day suspension sa klase at trabaho sa Oct. 31

Nagdeklara ng half-day suspension sa klase at trabaho sa gobyerno sa Tuguegarao City, sa Oct. 31 araw ng Huwebes at bisperas ng Undas.

Ang deklarasyon ay nilagdaan ni Tuguegarao City Mayor Jefferson Soriano, para mabigyang pagkakataon ang publiko na makapaghanda sa Undas lalo na ang mga bibiyahe pa ng malayo.

Nakasaad sa deklarasyon na sa Oct. 31, half-day lang ang klase sa lahat ng antas sa lungsod public at private.

Ang pasok sa lahat ng tanggapan ng gobyerno ay half-day lamang din o hanggang alas 12:00 ng tanghali lamang.

Hinimok naman ni Soriano ang mga pribadong kumpanya na magpatupad din ng half-day suspension ng trabaho para sa kanilang mga empleyado.