LOOK: Water level ng Angat dam bahagyang nadagdagan

Dahil sa mga naranasang pag-ulan sa Bulacan kahapon dulot ng thunderstorm bahagyang nadagdagan ang antas ng tubig sa Angat dam.

Sa abiso ng PAGASA Hyrdrology Division, alas 6:00 ng umaga ngayong Martes, Oct. 29 ay 185.42 meters ang water level ng Angat dam.

Tumaas ito ng bahagya kumpara sa 185.28 meters na water level kahapon.

Samantala, ang water level sa Ipo dam at La Mesa dam ay parehong nabawasan ng kaunti.

Nasa 100.27 meters ang water level ng Ipo dam at 77.33 meters naman ang La Mesa dam.

Nabawasan din ang water level sa Ambuklao, Binga at Caliraya.

Habang nadagdagan naman ang antas ng tubig sa San Roque, Pantabangan at Magat dams.