ALAMIN: Suspensyon ng number coding scheme sa Undas

Inanunsyo ni Metropolitan Manila Development Authority (MMDA) ang suspensyon ng number coding scheme para sa Undas.

Ayon kay MMDA Chairman Danilo Lim, suspendido ang coding para sa mga provincial buses sa Huwebes, October 31 at Lunes, November 4.

Wala namang coding sa lahat ng sasakyan sa Biyernes, November 1 na isang non-special holiday.

Ayon sa MMDA, ang hakbang ay dahil sa inaasahang dagsa ng mga pasahero na pupunta sa kanilang mga probinsya para sa taunang All Souls’ Day at All Saints’ Day.

Una nang sinabi ni Lim na hindi pwedeng mag day-off at mag-absent ang kanilang mga traffic enforcers sa October 31, November 1 at November 4.