M3.8 at M3.3 na mga lindol naitala sa Surigao del Sur at Antique

Nakapagtala ng mga pagyanig sa dalawang lalawigan Lunes ng gabi.

Ayon sa Phivolcs, magnitude 3.8 ang lindol na tumama sa Surigao del Sur alas-10:23 ng gabi.

Ang episentro ng pagyanig ay sa layong 17 kilometro Timog-Silangan ng bayan ng Marihatag.

May lalim ang pagyanig na 27 kilometro.

Alas-11:15 naman ng yumanig ang magnitude 3.3 na lindol sa Antique.

Ang episentro ng naturang lindol ay sa layong 80 kilometro Timog-Kanluran ng bayan Anini-y.

Mababaw naman ito at may lalim lang na anim na kilometro.

Tectonic ang mga dahilan ng pagyanig na hindi naman nagdulot ng pinsala sa mga ari-arian at wala ring inaasahang aftershocks.