Lalaki patay sa pamamaril sa Caloocan

Nasawi matapos barilin sa labas mismo ng kanyang bahay ang isang lalaki sa Brgy. 35, Maypajo, Caloocan City.

Ayon sa Caloocan Police, nakilala ang biktima na si Mark Lim, 34-anyos, isang tricycle operator.

Nakatayo lamang ang biktima sa tapat nang kanyang bahay kasama ang isang kaibigan nang lumapit ang isang armadong lalaki.

Pinagbabaril ng armadong lalaki si Lim at agad nitong ikinamatay.

Iniimbestigahan na ang motibo sa krimen at kasalukuyang tinutugis ang mga suspek.