3 babaeng tulak ng droga, arestado sa Novaliches, QC
Timbog ang tatlong babaeng umano’y tulak ng droga sa Novaliches, Quezon City matapos ang ikinasang buy-bust operation ng mga otoridad sa Brgy. Sauyo pasado alas-7:00, Sabado ng gabi, Oct. 26.
Nakilala ang mga nahuling suspek na sina Melanie Matnoy De Leon, alyas “Lani”, 37-anyos; Merlita Sepulvida Basa, alyas “Merly”, 61-anyos at Anna Marie Sepulvida Basa, alyas “Ana”, 28-anyos.
Nakuha mula sa mga suspek ang limang sachet ng shabu na may bigat na 25 grams at nagkakahalaga ng P170,000.
Maliban sa droga, narekober din ng mga otoridad ang isang black pouch, isang P500 na ginamit bilang buy-bust money, perang P10,000 at isang cellular phone.
Nakakulong na ang mga suspek sa Police Station 4 ng lungsod ng Quezon at nahaharap ang mga ito sa kasong paglabag sa Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.