Sa isang tweet araw ng Biyernes, sinabi ni Locsin na mas lalong hindi dapat sukuan ang drug war kung sa tingin ni Vice President Leni Robredo ay bigo ito.
Una nang sinabi ng bise presidente sa panayam ng Reuters na palyado ang drug war at nananatiling talamak ang droga sa lipunan.
Dahil sa banat ni Robredo, hindi napigilan ni Locsin na tanungin kung konektado ba ang bise presidente sa Mexican drug lord na si El Chapo.
Si El Chapo o Joaquin Archivaldo Guzman Loera ang pinuno ng Siniloa drug cartel.
Nagkomento naman si Sen. Panfilo Lacson sa banat ni Locsin kay Robredo at sinabing baka nais lamang ng bise presidente na magkaroon ng pagbabago sa istratehiya ng drug war.
Sinegundahan ng senador ang sinabi ng DFA secretary na hindi dapat ihinto ang giyera kontra droga.
Marami ang bumabatikos sa drug war ng administrasyon dahil sa umano’y pambibiktima lamang sa mahihirap na sinabi rin ni Robredo sa panayam ng Reuters.
Una nang nagbalak ang United Nations Human Rights Council (UNHRC) na magpasa ng isang resolusyon na mag-iimbestiga sa umano’y madugong giyera kontra droga ng bansa.
How does she know it isn’t working? Is she in touch with… El Chapo? Who else can tell the war’s going well or badly? I wanted to make a case for declaring victory but she says it’s a clearly a defeat. So clearly we must fight on. Never say surrender; just go on saying die. https://t.co/vjwbjszyyn
— Teddy Locsin Jr. (@teddyboylocsin) October 25, 2019
She may have meant to say there is need to change the strategy, perhaps a J Edgar Hoover style of dealing with the most notorious crime bosses in the US during his time. You’re right. Stopping the drug war won’t win the war against illegal drugs.
— PING LACSON (@iampinglacson) October 25, 2019