Medical bulletin ni Pangulong Duterte hindi na kailangang isapubliko – Malakanyang
Hindi na kailangang isapubliko pa ang medical bulletin ni Pangulong Rodrigo Duterte.
Ayon kay Presidential Spokesperson Salvador Panelo, sa ilalim naman ng Saligang Batas nakasaad na kailangan lang ilantad ang health condition ng pangulo kung maituturing na ito ay isang “serious illness”.
Ito ay sa kabila ng pahayag ng palasyo na ilalantad ang medical condition ng pangulo pagkatapos niyang magpatingin sa duktor.
Magugunitang muscle spasm lang ang sinabi ng duktor na dahilan ng pananakit sa bahagi ng spine ng pangulo matapos sumemplang sa motorsiklo.
Araw ng Huwebes sinabi ng Malakanyang na unti-unti nang bumubuti ang lagay ng pangulo matapos maresetahan ng gamot.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.