Diskwento sa toll sa mga motorista dahil sa matinding traffic sa SLEX dedesisyunan ng TRB sa susunod na linggo
Sa susunod na buwan dedesisyunan na ng Toll Regulatory Board (TRB) ang tungkol sa hirit na diskwento para sa mga motorista na dumadaan sa northbound lane ng South Luzon Expressway (SLEX).
Ayon kay Raymundo Junia, private sector representative ng TRB, inaaral na ng technical working group (TWG) ang hirit na diskwento sa toll fees na sinisingil sa SLEX.
Si Junia ang chairperson ng TWG. Ang susunod na pulong aniya ay mangyayari sa unang linggo ng Nobyembre.
Sakaling aprubahan ang diskwento sa Nobyembre, sinabi ni Junia na ipatutupad ito sa Disyembre.
Bagaman malaki ang posibilidad na magkaroon nga ng diskwento sinabi ni Junia na mahigpit nilang inaaral ang magiging halaga.
Magugunitang araw-araw na napeperwisyo ang mga motorista sa SLEX dahil sa pagsasara ng bahagi ng SLEX sa Alabang Viaduct dahil sa Skyway Extension project.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.