‘Unforgettable’ ni Sarah Geronimo kumita ng P5.1M sa unang araw ng showing

By Rhommel Balasbas October 25, 2019 - 03:20 AM

Mainit na tinanggap ng moviegoers ang pelikulang “Unforgettable” ni Sarah Geronimo matapos itong kumita ng P5.1 milyon sa unang araw ng showing.

Araw ng Huwebes inanunsyo ng Viva Films sa kanilang social media pages ang first day gross ng pelikula matapos ipalabas sa 216 sinehan sa buong bansa.

Tampok at katambal ni Geronimo sa pelikula ang wonder dog at social media star na si Milo, isang Jack Russell Terrier.

Makailang beses nang nagtretrending sa Twitter ang pelikula dahil sa mga papuri ng mga nakapanood.

Rated G ang ibinigay ng Movie and Television Review and Classification Board (MTRCB) sa pelikula kaya pwede ito sa buong pamilya.

Sa article ng Pep.ph, tiwala ang Radyo INQUIRER anchor na si Noel Ferrer na kaya pang higitan ng ‘Unforgettable’ ang first day gross nito sa mga susunod na araw.

 

TAGS: #Unforgettable, kita, Milo, MTRCB, Noel Ferrer, P5.1 million, Radyo Inquirer, Sarah Geronimo, Trending, unang araw, Viva Films, wonder dog, #Unforgettable, kita, Milo, MTRCB, Noel Ferrer, P5.1 million, Radyo Inquirer, Sarah Geronimo, Trending, unang araw, Viva Films, wonder dog

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.