Mayor ng Clarin, Misamis Occ. inaresto matapos umanong manakit ng lalaking masahista
Inaresto si Clarin, Misamis Occidental Mayor David Navarro dahil sa umanoy pananakit sa lalaking masahista sa Cebu City.
Ayon sa pulisya, nangyari ang sinasabing pananakit ni Navarro sa lalaking massage therapist sa isang massage parlor sa Cebu City araw ng Miyerkules.
Dahil sa insidente ay hinuli ang alkalde habang papasakay ito ng eroplano sa Mactan Cebu International Airport alas 4:00 Huwebes ng hapon.
Sa CCTV footage ng massage parlor na nasa Osmeña Circle sa Cebu City ay mapapanod si Navarro na sinusuntok sa tiyan at sinasaktan ang masahistang si John Duenas.
Ayon sa masahista, inutusan umano siya ni Mayor Navarro na imasahe ang pribadong bahagi ng katawan nito.
Inireklamo ang alkalde ng acts of lasciviousness, unjust vexation at physical injury sa Cebu City prosecutor’s office pero itinanggi ni Navaro ang naturang mga akusasyon laban sa kanya.
WATCH: The closed-circuit television footage of Clarin Mayor David Navarro allegedly punching and abusing a massage therapist in a massage parlor along Fuente Osmeña Circle in Cebu City. pic.twitter.com/WoMrph6xlg
— Cebu Daily News (@cebudailynews) October 24, 2019
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.