Peralta nanumpa na bilang ika-26 na Punong Mahistrado

Nanumpa kay Pangulong Rodrigo Duterte si bagong talagang Supreme Court Chief Justice Diosdado Peralta araw ng Huwebes.

Si Peralta ang ika-26 na punong mahistrado kapalit ng naretirong si dating Chief Justice Lucas Bersamin.

Ibinahagi ni Senator Bong Go ang ilang larawan ng oath taking ni Peralta sa Malakanyang.

Ayon kay Presidential Spokesman Salvador Panelo, sinabihan ng pangulo si Peralta na tiyakin na patas at makatotohanan ang Korte Suprema sa ilalim ng kanyang panunungkulan.

Magsisilbing Chief Justice si Peralta hanggang sa March ng susunod na taon.