Pulis patay sa pamamaril sa Antipolo
By Dona Dominguez-Cargullo October 24, 2019 - 12:26 PM
Patay ang isang pulis na nakatalaga sa Bicol makaraang pagbabarilin ng riding-in-tandem sa Antipolo City.
Kinilala ang nasawing pulis na si Staff Sergeant Jose Delos Reyes, 55 anyos.
Nakadestino si Delos Reyes sa Camarines Sur at base sa nakuhang driver’s license nito siya ay residente ng Caloocan City.
Batay sa imbestigasyon, bumaba ng tricycle ang biktima sa Barangay San Jose nang dumating ang mga suspek at saka siya binaril.
Patuloy pang inaalam ang motibo sa pamamaslang at pinaghahanap ang mga suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.